Yogesh Vaidya

છેલ્લાં ૪૫ વર્ષથી કવિતા લખી રહેલા કવિ યોગેશ વૈદ્ય વ્યવસાયે સિવિલ એન્જીનીયર છે, જી. એચ . સી. એલ. નામક કંપનીમાંથી જનરલ મેનેજર તરીકે હમણાં જ નિવૃત્ત થયા છે. તેમનાં કૂલ પાંચ પુસ્તકો પ્રગટ થયાં છે. ૧- હું જ દરિયો, હું જ ભેખડ (કાવ્યસંગ્રહ), ૨- ભટ્ટખડકી (કાવ્યસંગ્રહ), સાંપ્રત અસમિયા કવિતા ( અનુવાદ), ૪- નવો ઉતારો ( નિબંધ સંગ્રહ) અને ૫- નેખમ ( દીર્ઘકાવ્ય). આ ઉપરાંત તેઓએ ‘નિસ્યંદન’ નામક ગુજરાતી કવિતાનાં ઈ-સામયિકનું સંપાદન કર્યું છે. તેમના ૨૦૨૩માં પ્રગટ થયેલ કાવ્યસંગ્રહ ‘ભટ્ટખડકી’ને વ્યાપક પ્રમાણમાં આવકાર મળ્યો છે. આ પુસ્તકને સાહિત્ય અકાદમી, અસાઈત સાહિત્ય સભા અને કલાગુર્જરીનાં પારિતોષિકો પ્રાપ્ત થયાં છે તો તેમનાં ‘સાંપ્રત અસમિયા કવિતા’ને સાહિત્ય અકાદમી અને ‘નવો ઉતારો’ પુસ્તકને અસાઈત સાહિત્ય સભાના પારિતોષિકો જાહેર થયાં છે.